婚鞋

原來最近又少左update blog, 等我update下新野先。

其實我係11月的時候已經去左位於太子的有利鞋店睇鞋，呢間野應該好多b2b都識，因為出左名又平又好著麻。每次上去有利都會見到好多客係入面試緊鞋。

我當時揀左2款都係銀色閃款來試，一對約3吋高銀色閃款，另一對4吋高銀色底彩色閃款另鞋頭有platform(可惜當時無我size，所以用另一同款但唔同色來試穿)。

首先我先試3吋的，感覺都幾好，但當我試穿4吋高個對的時間，感覺比第一對更好，而且都幾舒服，而我男友都話比第一對好睇。之後問老闆幾時會返貨，佢叫我一個月後打來再問

終於約一個月後打上去問終於返貨啦，後來我就再上去買左我對婚鞋啦~

等大家睇睇我對婚鞋啦，如有興趣大家可以去昅昅~ $150真係好抵呢

DIY襟花

繼上次完成左手花後，今次又完成了襟花，花材跟上次手花一樣，只是顏色換了黃色，另外再加了薰衣草作裝飾。

襟花較手花難造，因為唔可以只將d想要的野痴埋一齊，今次要加埋鐵線，膠紙等先可以完成。

又來看看我的完成品啦~

 

手花和襟花的完成品

DIY手花

離大日子仲有唔夠一年時間，開始慢慢進行我的DIY，剛剛完成左一個手花

等我講解下我diy的手花製作材料同過程啦~

材料:  羊毛
   填充綿
   吉羊毛的針
   絲花一扎
   珍珠手腕帶
   熱溶槍


首先我要先做好大口仔公仔頭，而呢幾個頭係買唔到架，因為大口仔的眼耳口鼻頭髮都係我親手用羊毛吉出來的，過程都有吉到手，但慶幸次數唔多過5次，所以唔覺好痛~

由於未confirm兄弟姊妹人數，所以我暫時分別吉左男同女各4個人頭，完成後就將買來的絲花跟大口仔頭用熱溶槍痴到珍珠手腕帶上。

咁就大功告成啦~

至於男士襟花暫未製作，待完成後會再update~

製作大口仔頭的過程

 

完成4男+4女的大口仔頭

 

花材

 珍珠手腕帶

 

 

完成品

註冊場地 - 落訂了

今天終於辦妥好申請註冊場地的手續，並付了訂金。過程一直都好順利。

但臨走時職員跟我說，為避免任何對snoopy的衝突，場內唔可以有其他公仔的裝飾或佈置，咁我就問介指枕有自製的大口仔公仔可唔可以放，職員都話唔可以，咁我點算?  我可唔可以放左先算?  另外，我一直考慮緊做公仔手花/襟花，我係咪又唔可以帶入去?

我唔理啦，到時再算啦~

倒數 - 還有365日

由今年3月尾正式開始籌備我的婚禮，到現在已經過了8個月，離我的大日子仲有1年時間。1年好似好漫長，但又好似好快來臨~

呢一刻當然未有緊張的心情，仲好期待大日子的來臨~

昨晚亦在網上預約了註冊時間，期待明年今日的日子。

決定了我們的證婚場地

經過幾個月的深思熟慮同網上research，終於決定了我倆的證婚場地啦~

先講下我的證婚場地要符合我以下要求:

(1) 地點方便
(2) 價錢相宜
(3) 是否我倆喜歡的場地

而我在網上都做左好多證婚場地的research供大家參考~


(1) 伊甸園 Glass Chapel
相關網址: http://www.hkmcs.com.hk/site/price_list.php

平日價錢: $3,500 / 30分鐘, $7,000/ 1小時
六、日及假日價錢: $5,000 / 30分鐘, $10,000/ 1小時

玻璃教堂我好鍾意，價錢都算合理，但好耐之前已經發現我想要的時間full了，所以被迫放棄了~

(2) 世紀見證
相關網址: http://www.centurywedding.com.hk/packages.html

由於職員話玫瑰及世紀禮堂租約暫到2013年年頭，而我婚期在2013年年尾，所以我地冇考慮呢2個禮堂，另有花地瑪及天幕禮堂可選擇～

(a) 花地瑪禮堂 I / II

平日價錢: $4,399 / 40分鐘 (非指定律師監禮）
六、日及假日價錢: $5,099 / 30分鐘 (非指定律師監禮及包50杯雜果賓治）

(b) 天幕禮堂

$8,999 / 40分鐘

本來睇相我幾鍾意天幕禮堂，但去左睇場後發現有天幕禮堂有ｄ缺點，加上價錢偏貴，都係放棄。
另外，我同bf都覺得花地瑪禮堂都ｏｋ，加上近我地擺酒地點，所以當時放左佢係首選～

(3) 拉斐特

相關網址: http://www.l-wedding.hk/

拉斐特有多個禮堂選擇，30分鐘證婚場地價錢由平日$3,988起，而六、日及假期最貴的價錢是$5,288

地點位於油麻地，但泊車地點離場地都有一段路程，而且只有30分鐘，怕會好趕，所以又被我foul了～

(4) Snoopy's World
相關網址: http://www.newtownplaza.com.hk/snoopyworld_wedding/chi/index.html

位於沙田新城市的Snoopy's World，相信唔係好多人知道可以租用入面作證婚場地，而我係網上都搵唔到太多comment。
但網上睇過場地設備及租用價錢後，有些心動。

設備包：

照明系統  1組
冷氣供應  1組  
電力供應 1組
ＭＩＣ 1組
播音系統  1組
螢幕及投影機  1組枱連枱套 3套
櫈連櫈套      50套
技術人員      1名
一般清潔      1次
泊車車位      6個（每個3小時）
新娘房 1間
價錢 $2,800 / 3小時，但時間選擇只有10-1 及 3-6，我心目中註冊時間是下午2-3，所以當時1516中～
(5) 西貢景輝堂
相關網址: http://www.sharonauwedding.com/

位於西貢的景輝堂，因為自己跟其他女孩子一樣都希望在教堂行禮，由於伯大尼太唔方便，所以有考慮呢個場地。
價錢$8,000 / 3小時，可以的話仲可以係出面草地上影相。當時都被我地列入為次選～

(6) 九龍仔公園
相關網址: http://www.lcsd.gov.hk/wedding/b5/ktp.php

曾經考慮過係戶外 + 草地上舉行婚禮，除左酒店外，諗起康文署開放的六個場地其中之一 的九龍仔公園洋紫荊園～

價錢$2,500 / 4小時，設備有：
草坪面積約1 200平方米
備有摺、膠椅等可供借用
可提供兩個收費私家車停車位
設有電源

價錢好似幾ok，但佈置、音響同律師要另外搵，計過價錢差唔多要成萬蚊，諗諗下又覺得唔值得～

～～～～～～～～～～～～～～～～～～～～～～～～～～～～～～～～～～～～～～～～～～～～～

最後經過我的提議，男友都贊成呢個證婚場地，而我地最後所揀的就係　。。。。。　SNOOPY'S WORLD啦！

原因係地點方便我地2家+親戚，價錢相宜，而且場地出面好colourful，影相應該幾靚，雖然我唔係Snoopy fans，但都唔抗拒既。
唯一要遷就就係要早ｄ出門同入門來，因為要1點前完成註冊，但諗起下晝多d時間影下外景或休息下都係一件好事！


雖然呢個地方係public，但如果當時有人正在使用，場地會有繩圍住唔比其他人入去，所以都ｏｋ～

book花車

當book晒酒席、pre-wedding、MUA同攝錄後，就開始搵花車。

一開始都希望用London Taxi或勞斯箂斯做主花車，接載兄弟姊妹的車有諗過用城巴，但當我開始做budget，發覺用左好多錢後，都係決定慳d，所以都係決定benz + 28 van啦。

之後就決定花車公司，知道出名的花車公司都係阿達London Taxi，孖一世同東哥等，咁因為我決定唔book  London Taxi，所以主力睇孖一世同東哥。

有一日，收到188的姊妹通知話孖一世有架粉紫色benz，因為自己好鍾意紫色，所以都好快send email問孖一世的價錢，收到price list後，都覺得ok，所以再問埋honey意見就confirm 左孖一世的Frankie。最後我book左benz + 28van 8個鐘，其實我估自己未必用到8個鐘，不過佢呢個價最抵，所以都無所謂啦~

比大家睇下我當日的花車啦~ (圖片由孖一世提供)

 

證婚律師

由於自己唔會係酒樓證婚，加上一心諗住book的證婚場地會包埋律師，所以無諗過自己要搵證婚律師。點知事情鋒迴路轉，我將會book的證婚場地竟然係唔包律師，所以我就要自己搵律師啦，終於係上星期都book埋證婚律師了~

其實當知道自己要搵證婚律師，心目中雖已有人選，但恐防自己會book唔到佢，所以都有上網做下功課搵多幾個，而最後3位候選人包括:

岑漢和

林志達

徐志剛

而我亦第一時間先send email問岑律師，佢第2日已經email覆我想book的日子同時間無問題，我就立即比埋訂confirm左佢啦。而佢都通知我出年9月會call我地約一次見面。

後來睇返佢個網址，原來佢係7月加左幾百蚊.... 所以各位如果要book證婚律師要快手啦，唔係遲d又會再加..........

BIG DAY攝影+錄影(二)

當知道想book的攝影師比人book左後，我又要開始去搵其他攝影師，後來網上有ｄ朋友介紹攝影師比我，但我問完價後，發覺價錢更貴，要２萬多

之後我都搵左約十間，後來搵到一間都唔錯的，價錢都係within budget內，就約左上去佢workshop見面，然後都即日落埋訂了，而我地最後所選擇的攝影+錄影就係Camby Photography。其實佢地好似唔係好多人識咁，不過我相信佢地會用心為我地拍每一張相的，希望Camby Photography唔會令我地失望啦～


大家有興趣可以睇下佢的作品~

http://blog.yahoo.com/camby-photography/articles

http://www.fotop.net/camby-photography

http://www.camby-photography.com

結婚對介

我地係琴日的婚展終於confirmed左婚介，就係Forever Couple啦~

難得我同bf都鍾意呢個band的款，我地問埋個價錢，由於係booth落訂有20% off，加上佢地額外再平左d比我地，我bf又覺得價錢都ok，所以我地就咁順利ko左婚介啦。

不過就無現貨買，因為佢地會為每對couple訂造，所以佢地會等我地遲d去佢地shop到度size + 印fingerprint + re-confirm款 (因為到時可以再改款)，真係好期待收到現貨個刻呢~

係網站搵唔到我地要既款，但就有近似的，我訂的就係類似下面個款，女裝決定左側面有石，而介指面就唔要石。(即係以下2隻介指的合成版，而男裝就全冇石)。Sales話隻介指都可以當頸鏈款帶添~

另外，佢地都主要sell以下個款可以90度刻字，都ok ga~

BIG DAY攝影+錄影(一）

呢個item係我最頭痛的，因為當初我都唔知係邊到搵，唯有上網睇人的blog睇下多人選擇多人讚的公司/ freelance啦。

係4月中，我開始send message問佢地有冇我個期同rate card，當時只係問左3個攝影師，包括Martin Chiu, Ivan Wong 同Jan Wong，Martin 係最早覆我email，之後其他都係１－２日收到reply，當時佢地覆我仲有期，好開心呢，後來發現佢地係1-2年間原來加左幾千蚊，心諗有冇加得咁誇張呀? 不過貴都要揀架，唯有上網再搵多幾間，我見金都有1,2間多人選擇，而且價錢相比我之前搵的平得多，但始終擔心金都多黑店，都唔係好放心搵金都入面的公司。

到５月頭，經過我再同honey的商量，決定揀其中一個，咁我就email比Martin啦，點知佢的回覆係我個期已經係４月尾比人book左仲落埋訂，即係我問佢期唔夠一個星期，已經有人book左佢，點解ｄ人可以咁快手架。其實Ivan 同Jan 影的相都好靚，只係價錢有點out budget呢～搞到我又再搵過

我的MUA

初初都無諗住咁快book mua同約試妝，不過見網上好多sis好早已經book mua，又話早d book可以hold價，加上mua會成日加價喎，咁自己係4月頭開始係網上搵，target左幾個mua

1st choice : Christy Wong
2nd choice : May Chong
3rd choice : Sandy Wong / Fiona Fi

咁我間唔中會去各mua的網頁睇睇作比較，有日見到Christy Wong個blog有個女仔同我同一日big day，佢問 Christy有冇期，之後我先開始驚，立即send message問 Christy有冇我期啦，點知佢覆我full左，勁唔開心囉。之後立即send message 問May 同Sandy的價錢同有冇我期啦，好彩佢地都覆我有我期，最後我就約埋May 試妝，等左約２個月終於係上個星期試妝成功啦。

希望 May係我BIG DAY當日幫我化成一個靚靚新娘啦～

May Chong 的網址: http://tw.myblog.yahoo.com/chongmakeup/

尋找pre-wedding

決定結婚book左酒席後，開始揾pre-wedding，而我另一半係無主見的人，所以又係我周圍搵資料，初初我同bf講不如去澳門影，近近地又唔駛請咁多假去第2到影，點知佢話澳門同其他地方價錢唔係相差好遠，點解唔揀其他地方。所以澳門就俾佢ban左~

之後都有諗過以下幾個地方:

歐洲 - 心諗價錢一定唔平，都唔敢問bf
日本 - 影櫻花或者紅葉，但見d package要包埋攝影師+化妝師的ticket同住宿，計過又唔化算。
九寨溝 / 雲南 - 之前問過品果同fei wedding價錢，其實價錢都ok，不過問題係我怕自己攞唔到太多假期。另外，知道fei wedding要係香港攞衫再自己帶上飛機，我覺得會好辛苦，拎幾套婚紗+晚裝上機喎。之後有考慮過品果，但最後又怕大陸d化妝同衫"娘"，加上我見佢地好似得外景冇室內景，而且d相好似全部都係得景，人就影得好細，因為我考慮到未必會影2輯，到時如果無咩大頭相又好似爭d，所以都係放棄~

最後都係諗台灣，我諗住搵台灣的婚攝公司，因為我唔駛比埋佢地的ticket同住宿ma~ 而我當時上網search過多人好評的公司，得出以下選擇:

(1) masalili
(2) 旅人行館
(3) 凱瑟琳

初初我好想係清境影，因為網上見清境的地方好靚，而且d羊好可愛，知道masalili冇去清境的package，有d失望，另外睇佢地個網頁，睇來睇去都唔係好明佢地價錢點計，佢地好似逐個景點去計，心諗如果我想影2-3個景點，咁咪好貴? 之後睇到旅人行館(呢間同masalili都算係同公司)，佢地有去清境的package，但價錢有少少貴，不過好的係可以拎晒所有相的soft copy~

之後4月同bf去左婚展逛，其實我一早知道masalili同旅人行館唔會攞booth，只係想同bf睇下其他booth，會唔會有咩驚喜。去到凱瑟琳個booth，當時凱瑟琳係我第3個choice，佢地攞出來的相其實同website一樣，不過覺得d相真係影得唔錯，咁我地就走去坐低問下佢地職員野啦~

原來招呼我地既叫謝經理，我聽網上其他sis話招呼佢地的都唔係叫xx經理，唔通我地咁啱遇到個經理?  之後聽謝經理講解下個package，睇下佢介紹d相，而我bf都覺得d相影得幾靚，而我主動問謝經理有冇去清境的package，佢搵左一本俾我睇，d相真係影得幾好，不過佢就話唔suggest我地去清境影，佢話個到成日有雨，而且影相時經常會有霧氣，所以好難影到個境靚，佢話如果我真係想同羊影，佢可以叫我地拍其他草地景，然後執相時幫我地加d羊，做到好似係清境影的效果，聽完覺得呢個idea都ok，而且我又可以影多幾個景點。

本來我諗住每間公司坐低問下價，點知未去其他婚攝公司，就已經比凱瑟琳個經理落左"答"，佢話同我傾package的野，但就已經寫係張單上面，即係開單???
我地都來不及，唯有book呢間啦，而且呢間都唔錯，最後都叫佢地做左d優惠比我地同送多d野~


但比左訂番到屋企係網上發現我地的優惠唔算多，其他人的優惠比我地多，我諗緊到影相個時再同佢地bargain下，唔知得唔得呢?

所以我地最後選擇的pre-wedding公司係 - catherine 凱瑟琳

決定場地

最後2強皇潮匯同煌府188店，問bf意見，佢話2間都差不多，而我初初怕188店地點唔係咁多人識去，有考慮過中港城個間， 再上網做多d功課，見到好多人讚188店的service，另外又無意中搵到有人對皇潮匯的bad comment，所以我最後決定選擇煌府188店~

而係4月1日，我就同bf去左188店落訂啦~ 個日冇人擺酒，只係見細龐有人擺滿月酒，我見到有3-4pair人好似同d經理傾緊酒席的野，本身我地同個男經理傾緊，之後一位好出名的Apple姐過埋來同我地坐低一齊傾，佢負責開單比我地，佢真係幾多野講，幾搞笑呢~
去左2次188店都唔記得影相，唯有係佢網頁到攞相啦~

選擇場地

由於我圍數約12-15圍，所以我target十幾圍都可以包場的酒樓。其實初初問左好多間酒樓，但佢地都成廿圍先可以包場，所以我的選擇不多，以下就係我的侯選場地:

尖東御苑 - 知道佢地個場可以落維景，但得大廳望到，另佢地有個細廳好似叫半島廳，諗住打去問下min chg，點知佢地話我個期已經full左，得番個大廳 > <

映月樓 - 知道佢地4/F有個廳十幾圍可以包廳，而且仲有維港景

佐敦彩福皇宴 - 佢地當時話個場會新裝修，裝成城堡個樣，有d興趣

中港城皇潮匯 - 佢地有個細廳，當時睇相都算ok~

煌府188店 - 上回講到我hold左的酒樓就係呢間，本來我問既係紅磡煌府鑽石廳，可惜已經full左，所以佢地介紹我去呢間~

最後我同bf只係去左煌府188店同皇潮匯睇場，第一站去皇潮匯，當時大約4點，點知入到門口，發現冇人，係門口等左一陣都冇人出來，見到有d待應經過見到我地都無人理，最後我同bf行入去，見到大廳有人set緊野，見有人經過就主動問佢地可唔可以睇場，之後個男人問我地大約擺幾多圍， 然後就帶我地去細廳睇，佢打開門，入面燈都無開，佢要走去開燈，入面都set晒枱，放左十多張枱，bf睇完都覺得ok冇乜野，但待應好似唔想招呼我地咁，又無帶我地睇下新娘房，周圍睇下。問埋佢價錢，佢只係比左份野我睇，之後我地就走lu~

第二站去煌府188店，入到去見到set晒枱，個場好光猛，d水晶燈幾靚，仲有我至愛的紫色decoration，有個經理見到我地，即係上前來招呼，我地話想來睇場，咁個男經理就即刻遞上卡片問我地幾多圍，我地話大約13圍，佢就話呢個龐啱我地啦，當時個廳又咁啱set左13張枱，佢就同我地講到時d枱都係咁放，因為佢地中間有條柱，佢地話就算我地多圍，佢地都可以盡量set到d枱唔會比條柱遮住。由於當時細場新人未到，男經理帶埋我地去睇間新娘房，仲比我地睇埋個大電視，佢按個掣，個backdrop就拉開，原來個電視係入面，好似好勁咁~ 然後佢仲帶我地睇埋個大場，當時大場已經有人，佢都介紹下個大場比我地睇，真係幾好service。

之後我bf話返去再考慮下，所以個日冇落到訂~

本來叫bf去埋彩福睇場，點知佢話係佐敦，唔係咁鍾意個location，所以又比佢ban左~ 而映月樓最後都無去睇場，原因係我上網睇人comment話樓底矮加上無台，個backdrop又好似好窄咁，所以都係放棄~

求婚介子

每個女仔都期望的求婚過程冇出現係我身上，只可以怪我的honey唔係一個浪漫有情趣的人，相反佢會係一個較現實的人........

同佢過左5年情人節，收左3年花，估唔到求婚會無花收 ><，連求婚介子都要我同佢一齊揀同一齊買，完全無surprise!

慶幸既係佢有做功課去揀隻求婚介子，佢用左半個月係網上搵資料，心目中預左價錢去選購一隻最perfect的鑽戒。就係落訂book左酒席後，佢就帶我去逛金舖睇鑽戒，其實佢之前都帶我去周生生睇過一次，不過個陣只係睇下，帶上手試下邊款鑽戒較適合我~

我地去左六福睇，一坐低sales就問我地想揀咩，咩價錢等。honey講左個價後，sales就拎左幾隻比我地睇，試左幾隻，由50份到一卡都試晒，而最後我都揀左最大粒而價錢都算抵的一隻。多謝honey!

搵場地

2012年3月， 我的另一半終於肯認真同我講結婚啦，雖然唔係正式的求婚，無花，無鑽介，無浪漫的環境，不過自己都好開心，因為佢終於肯開口了。

之後就開始搵擇日同酒席啦。問過屋企人，預計左圍數就立即上網搵酒席資料，問左好多間酒店，酒樓，由於自己圍數又唔多，酒店大多提供function room比我地，亦都因為function room比我感覺唔夠grand加上樓底矮，所以唯有睇酒樓啦。由於我想地點係尖東或尖沙咀區，所以又可以收窄範圍去搵。
後來擇日日子出左左， 有9月、11月及12月(聖誕節)，我問honey意見，佢prefer 11月或12月，而我之前上網睇過話大日子唔好撞生日月份，為左唔會沖我生日月份，所以我選擇左11月。決定左日子，就立即打去2間心水酒樓問有冇期，但結果已經比人book左，之後其中一間酒樓介紹我去佢地另一分店，咁我上網即刻search下個間分店，睇下場地o唔ok呢。係好短的時間內，都未問另一半意見就打去另一間分店叫佢地幫我hold個期呢~