搵場地

2012年3月， 我的另一半終於肯認真同我講結婚啦，雖然唔係正式的求婚，無花，無鑽介，無浪漫的環境，不過自己都好開心，因為佢終於肯開口了。

之後就開始搵擇日同酒席啦。問過屋企人，預計左圍數就立即上網搵酒席資料，問左好多間酒店，酒樓，由於自己圍數又唔多，酒店大多提供function room比我地，亦都因為function room比我感覺唔夠grand加上樓底矮，所以唯有睇酒樓啦。由於我想地點係尖東或尖沙咀區，所以又可以收窄範圍去搵。
後來擇日日子出左左， 有9月、11月及12月(聖誕節)，我問honey意見，佢prefer 11月或12月，而我之前上網睇過話大日子唔好撞生日月份，為左唔會沖我生日月份，所以我選擇左11月。決定左日子，就立即打去2間心水酒樓問有冇期，但結果已經比人book左，之後其中一間酒樓介紹我去佢地另一分店，咁我上網即刻search下個間分店，睇下場地o唔ok呢。係好短的時間內，都未問另一半意見就打去另一間分店叫佢地幫我hold個期呢~